ملتان: پاکستان کرکٹ ٹیم نے ملتان اسٹیڈیم میں ون ڈے کی تاریخ کا اپنا ہی ریکارڈ توڑ دیا ہے۔

پاکستان کی میزبانی میں پاکستان اور سری لنکا میں ایشیاکپ 2023 کا آغاز ہوگیا ہے جس میں آج میزبان ٹیم پاکستان کا مقابلہ نیپال سے جاری ہے جب کہ پاکستان نے ٹاس جیت کر بیٹنگ کرنے کا فیصلہ کیا۔

آج پاکستان ٹیم نے ون ڈے میں 342 رنز بناکر اپنا ہی ریکارڈ توڑ دیا ہے جب کہ پاکستان نے نیپال کو افتتاحی میچ میں 6 وکٹوں کے نقصان پر 343 رنز کا ہدف دیا ہے۔

اس میچ میں قومی ٹیم کے کپتان بابر اعظم اور آل راؤنڈر افتخار احمد نے جارحانہ اور عمدہ کارکردگی کا مظاہرہ کیا۔

بابر اعظم 14 چوکوں اور 4 چھکوں کی بدولت 151 رنز بناکر آؤٹ ہوئے جس کے بعد وہ ون ڈے فارمیٹ میں ملتان اسٹیڈیم میں سب سے زیادہ رنز اسکور کرنے والے کھلاڑی بن گئے ہیں۔

دوسری جانب افتخار احمد نے 11 چوکوں اور 4 چھکوں کی مدد سے 109 رنز کی ناٹ آؤٹ اننگز کھیلی جب کہ وکٹ کیپر محمد رضوان 44 رنز بناکر آؤٹ ہوئے۔

واضح رہے کہ ایشیاکپ 2023 میں پاکستان ٹیم کا اگلا مقابلہ 2 ستمبر کو روایتی حریف بھارت سے ہوگا جو سری لنکا کے پالے کیلے انٹرنیشنل کرکٹ اسٹیڈیم میں کھیلا جائے گا۔

حالات حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/sports/2023/08/621146/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/sports/2023/08/621146/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں