سابق کپتان وقار یونس نے پاکستان کے ورلڈ کپ اسکواڈ میں میچ ونر کھلاڑیوں کے نام بتادیے ہیں۔

خبر رساں ادارے سے گفتگو کرتے ہوئے سابق کپتان وقار یونس نے ورلڈ کپ اسکواڈ میں 4 ایسے کھلاڑیوں کے نام بتائے ہیں جو ان کے مطابق میچ کا رخ موڑنے کی صلاحیت رکھتے ہیں۔

اس فہرست میں پہلا نام کپتان بابر اعظم کا ہے جو کسی بھی بولنگ اٹیک پر حاوی ہونے کی صلاحیت رکھتے ہیں جب کہ دوسرا نام شاہین آفریدی، تیسرا امام الحق اور چوتھے فخر زمان ہیں۔

سابق کپتان نے آئندہ ورلڈ کپ میں پریشر سے نمٹنے کے لیے پاکستان کی صلاحیت پر اعتماد کا اظہار کرتے ہوئے کہا کہ قومی ٹیم میں ایسے کھلاڑی موجود ہیں جو اکیلے ہی کھیل کا رخ موڑ سکتے ہیں۔

انہوں نے کہا کہ پاکستان ٹیم نے حالیہ دنوں میں بہتر طریقے سے پریشر کو سنبھالا ہے اور میرے خیال میں اس سے کوئی فرق نہیں پڑتا کہ آپ کہاں کھیل رہے ہیں، چاہے وہ بھارت ہی کیوں نہ ہو۔

ان کا کہنا تھا کہ مجھے نہیں لگتا کہ بھارت میں کھیلنا کوئی مسئلہ ہے کیونکہ پاکستان کے پاس تمام تر وسائل موجود ہیں۔

انہوں نے مزید کہا کہ ہمارے زمانے میں پریشر اتنا بڑا مسئلہ نہیں جتنا کہ آج ہے، یقیناً پاک بھارت میچ کا پریشر زیادہ ہوتا ہے لیکن ہمارے دور میں یہ پریشر کم ہوتا تھا جس کی ایک اہم وجہ ہمارا زیادہ کرکٹ کھیلنا تھا جو اب نہیں ہے اور اب ہم صرف بھارت سے کسی ٹورنامنٹ میں ہی کھیلتے ہیں۔

واضح رہے کہ ون ڈے ورلڈ کپ 5 اکتوبر سے بھارت میں شروع ہونے والا ہے جس میں 10 ٹیمیں حصہ لے رہی ہیں۔

ورلڈ کپ میں پاک بھارت میچ 15 اکتوبر کو نریندر مودی اسٹیڈیم میں شیڈول تھا جس کو اب تبدیل کرکے 14 اکتوبر کو کھیلے جانے کا امکان ہے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/sports/2023/08/673570/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/sports/2023/08/673570/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں