پاکستان کے خلاف سیریز کے لیے افغان بولر راشد خان کے حوالے سے بڑی خبر سامنے آگئی ہے۔

افغانستان کے لیگ اسپنر راشد خان پاکستان کے خلاف سیریز کے لیے دستیاب ہوں گے جب کہ ان کی دستیابی کے حوالے سے افغانستان کرکٹ بورڈ نے بھی تصدیق کردی ہے۔

چیف سلیکٹر افغانستان بورڈ اسد اللہ خان کا کہنا ہے کہ راشد خان نے پاکستان کے خلاف سیریز سے قبل آرام کے لیے دی ہنڈریڈ چھوڑی تھی۔

یہ بھی پڑھیں: پاکستان بمقابلہ افغانستان ون ڈے سیریز کا اعلان ہوگیا

انہوں نے کہا کہ پاکستان کے خلاف سیریز کے لیے ٹریننگ کیمپ دس اگست سے ہیمبنٹوٹا میں شروع ہوگا، راشد خان سری لنکا میں کیمپ کو جوائن کریں گے۔

اسد اللہ خان نے مزید کہا کہ امید ہے کہ ٹیم پاکستان کے خلاف اچھا کھیلے گی اور ایشیا کپ کے لیے مورال بلند ہوگا۔

واضح رہے کہ پاکستان اور افغانستان کے درمیان تین ون ڈے میچز پر مشتمل سیریز 22 اگست سے شروع ہوگی۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/sports/2023/08/679449/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/sports/2023/08/679449/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں