لنکا پریمیئر لیگ میں کولمبو اسٹرائیکرز کے کپتان ڈکویل نے ٹیم کو بابر اعظم سے سیکھنے کا مشورہ دے دیا ہے۔

قومی ٹیم کے کپتان بابر اعظم کو لنکا پریمیئر لیگ میں بہترین کارکردگی کے باعث میچ کا بہترین کھلاڑی قرار دیا گیا تھا۔

پیر کو کولمبو اسٹرائیکرز کا مقابلہ بی لو کینڈی سے ہوا جس میں بابر اعظم کی شاندار بیٹنگ کی بدولت کولمبو اسٹرائیکرز نے بی لو کینڈی کو 27 رنز سے شکست دی۔

بابر اعظم کی کارکردگی سے متاثر ہوکر کولمبو اسٹرائیکرز کے کپتان نیروشن ڈکویلا میچ کے بعد ٹیم سے گفتگو کی جس میں انہوں نے کھلاڑیوں کا حوصلہ بڑھایا۔

نیروشن ڈکویلا نے بابر اعظم کی مثال دیتے ہوئے کھلاڑیوں پر زور دیا کہ وہ ان سے سیکھیں اور ان کے کبھی نہ ہار ماننے والے رویے سے متاثر ہوں، خاص طور پر جب آپ مشکل حالات میں ہوں۔

انہوں نے کہا کہ اس وکٹ پر بیٹنگ کرنا آسان نہیں تھا لیکن بابر اعظم نے ہمت نہ ہاری اور ان کی شاندار اننگز کی بدولت ہم اچھا اسکور کرنے میں کامیاب رہے۔

واضح رہے کہ میچ کے ابتدا میں ہی وکٹیں گرنے کے باوجود بابر اعظم نے 52 گیندوں پر 59 رنز اسکور کیے جس کی بدولت ان کی ٹیم 6 وکٹوں کے نقصان پر 157 رنز کا ہدف دینے میں کامیاب رہی تھی۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/sports/2023/08/825462/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/sports/2023/08/825462/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں