کولمبو اسٹرائیکرز کے کوچ سائمن ہیلمٹ کا کہنا ہے کہ بابر اعظم جذباتی، ذہنی اور تکنیکی طور پر لوگوں کی دیکھ بھال کرتے ہیں۔

بابر اعظم کا کردار جاری لنکا پریمیئر لیگ (ایل پی ایل) میں کولمبو اسٹرائیکرز کے لیے صرف کرکٹ کھیلنے سے آگے بڑھ گیا ہے۔

کولمبو اسٹرائیکرز کے ہیڈ کوچ سائمن ہیلمٹ کے مطابق بابر اعظم کا اثر اب کھیل کے جذباتی، ذہنی اور تکنیکی پہلوؤں پر محیط ہے۔

انہوں نے کہا کہ بابر اعظم لوگوں کی دیکھ بھال کرتے ہیں، چاہے وہ جذباتی ہو، ذہنی ہو یا پھر تکنیکی طور پر ہو، بابر اعظم سپورٹ میں ٹیم کے لیے ایک بڑا اثاثہ ہیں۔

واضح رہے کہ اس سے قبل کولمبو اسٹرائیکرز کے کپتان نیروشن ڈکویلا نے کھلاڑیوں کو بابر اعظم سے سیکھنے کا مشورہ دیا تھا۔

انہوں نے میچ کے بعد کھلاڑیوں کا حوصلہ بڑھاتے ہوئے کہا تھا کہ کھلاڑی ان سے سیکھیں اور ان کے کبھی نہ ہار ماننے والے رویے سے متاثر ہوں، خاص طور پر جب آپ مشکل حالات میں ہوں۔

انہوں نے کہا تھا کہ اس وکٹ بیٹنگ کرنا آسان نہیں تھا لیکن بابر اعظم نے ہمت نہ ہاری اور ان کی شاندار اننگز کی بدولت ہم اچھا اسکور کرنے میں کامیاب رہے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/sports/2023/08/841589/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/sports/2023/08/841589/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں