ملتان: قومی ٹیم کے کپتان بابر اعظم ملتان کرکٹ اسٹیڈیم میں سب سے زیادہ رنز بنانے والے کھلاڑی بن گئے ہیں۔

ایشیاکپ 2023 کا آغاز ہوگیا ہے جس میں آج میزبان ٹیم پاکستان کا مقابلہ نیپال سے جاری ہے جب کہ پاکستان نے ٹاس جیت کر بیٹنگ کرنے کا فیصلہ کیا۔

پاکستان نے پہلے بیٹنگ کرتے ہوئے مقررہ 50 اوورز میں 6 وکٹوں کے نقصان پر 342 رنز کا ہدف دیا ہے جب کہ کپتان بابر اعظم نے اس میچ میں عمدہ بیٹنگ کا مظاہرہ کیا۔

بابر اعظم نے اس میچ میں 151 رنز کی اننگز کھیلی جس کے بعد وہ ون ڈے فارمیٹ میں ملتان اسٹیڈیم میں سب سے زیادہ رنز اسکور کرنے والے کھلاڑی بن گئے ہیں۔

اس سے قبل ویسٹ انڈیز کے شائے ہاپ ملتان اسٹیڈیم میں 127 رنز بناکر سر فہرست تھے۔

علاوہ ازیں اس میچ میں افتخار احمد نے بھی بہترین کارکردگی کا مظاہرہ کیا اور 109 رنز کی ناٹ آؤٹ اننگز کھیلی جب کہ انہوں نے 11 چوکے اور 4 چھکے لگائے۔

واضح رہے کہ ایشیاکپ کے گروپ اسٹیج میں پاکستان ٹیم کا اگلا میچ 2 ستمبر کو روایتی حریف بھارت سے ہوگا۔

حالات حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/sports/2023/08/995097/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/sports/2023/08/995097/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں