ایشیاکپ 2023 کے لیے پاکستان ٹیم کا سفری شیڈول جاری کردیا گیا ہے۔

تفصیلات کے مطابق پاکستان کرکٹ ٹیم کل سہہ پہر کینڈی سے لاہور کے لیے روانہ ہوگی جب کہ پاکستان ٹیم چارٹرڈ فلائٹ سے پاکستان جائے گی۔

پاکستان ٹیم چار ستمبر کو آرام کرے گی اور قومی اسکواڈ پانچ ستمبر کو ایل سی سی اے گراؤنڈ میں ٹریننگ کرے گی۔ پاکستان کا چھ ستمبر کو سپر فور مرحلے کا میچ افغانستان یا بنگلا دیش کے خلاف ہوگا۔

پاکستان کے سپر فور میں کوالیفائی کرنے کی صورت میں اے ون قرار پائے گی جب کہ بنگلا دیش یا افغانستان میں سے کسی کے بھی کوالیفائی کرنے کی صورت میں وہ بی ٹو قرار پائے گی۔

یاد رہے کہ پاکستان ٹیم کے گروپ اسٹیج میں دو میچز تھے جس میں سے دوسرا آج بھارت کے خلاف جاری ہے۔

اس سے قبل پاکستان نے نیپال کے خلاف میچ کھیلا تھا جس میں قومی ٹیم کو 238 رنز سے کامیابی حاصل ہوئی تھی۔

حالات حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/sports/2023/09/165055/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/sports/2023/09/165055/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں