کولمبو: قومی ٹیم کی ایشیاکپ 2023 میں بری کارکردگی کے بعد پی سی بی نے سابق کرکٹرز کو مشورہ کے لیے طلب کرلیا ہے۔

کولمبو میں پاکستان کرکٹ بورڈ کے چیئرمین مینجمنٹ کمیٹی ذکاء اشرف نے بول نیوز سے غیر رسمی گفتگو کی جس میں انہوں نے بتایا کہ بڑے فیصلے کرنے سے قبل سابق کرکٹرز کی رائے لیں گے۔

انہوں نے بتایا کہ سابق کرکٹرز سے ایشیاکپ میں ہونے والی غلطیوں اور ورلڈ کپ کے اسکواڈ کی بھی مشاورت مانگیں گے۔

ذکاء اشرف نے کہا کہ ’’ہم چاہتے ہیں کہ پاکستان ٹیم کی ورلڈ کپ میں بہترین کارکردگی ہو، ایشیاکپ میں جو بھی غلطیاں ہوئیں ان پر مشاورت کرکے فیصلہ کریں گے‘‘۔

انہوں نے مزید کہا کہ ورلڈ کپ میں پاکستانی ٹیم سے قوم مایوس نہیں ہوگی۔

واضح رہے کہ ورلڈ کپ کے لیے تاحال پاکستان ٹیم کے حتمی اسکواڈ کا اعلان نہیں کیا جاسکا جب کہ ورلڈ کپ کے لیے قومی اسکواڈ کا اعلان آئندہ ہفتے متوقع ہے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/sports/2023/09/502823/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/sports/2023/09/502823/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں