ایشیاکپ 2023 سپر فور مرحلے کے غیر رسمی میچ میں بنگلادیش نے بھارت کو 6 رنز سے شکست دے دی ہے۔

کولمبو میں بھارت اور سری لنکا کی ٹیموں کے درمیان ایشیاکپ سپر فور مرحلے کا غیر رسمی میچ کھیلا گیا جس میں بھارت کو شکست کا سامنا کرنا پڑا ہے۔

بھارت نے ٹاس جیت کر پہلے فیلڈنگ کا فیصلہ کیا جو غلط ثابت ہوا جب کہ بنگلادیش نے پہلے بیٹنگ کرتے ہوئے بھارت کو جیت کے لیے 266 رنز کا ہدف دیا۔

بنگلادیش کی بیٹنگ

بنگلادیش نے مقررہ 50 اوورز میں 8 وکٹوں کے نقصان پر 265 رنز بنائے جب کہ بنگلا دیش کی جانب سے کپتان شکیب الحسن 80 رنزبناکر نمایاں رہے۔

علاوہ ازیں توحید ہردوئے 54 رنزاور نسم احمد 44 رنز بنا کر آؤٹ ہوئے جب کہ مہدی حسن اور تنظیم حسن شکیب 29 اور 14 رنز بالترتیب بناکر ناٹ آؤٹ رہے۔

بھارت کی جانب سے شاردل ٹھاکر نے 3، محمد شامی نے 2 جب کہ پراسد کرشنا، اکشر پٹیل اور روندر جڈیجا نے 1،1 کھلاڑی کو آؤٹ کیا۔

بھارت کی بیٹنگ

ہدف کے تعاقب میں بھارت کی پوری ٹیم 259 رنز بناکر آؤٹ ہوگئی جب کہ بھارت کی جانب سے شبھمن گل 121 رنز بناکر نمایاں رہے۔

اکشر پٹیل 42، سوریا کمار یادو 26 اور کے ایل راہول 19 رنز بنا کر آؤٹ ہوئے۔

بنگلا دیش کی جانب سے مستفیض الرحمان نے 3، تنظیم حسن اور مہدی حسن نے 2، 2 جب کہ شکیب الحسن اور مہدی حسن میراز نے 1،1 وکٹ حاصل کی۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/sports/2023/09/580523/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/sports/2023/09/580523/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں