پی سی بی نے قومی کھلاڑیوں کو سینٹرل کنٹریکٹ دینے کا اعلان کردیا۔

پاکستان کرکٹ بورڈ (پی سی بی) نے 25 کھلاڑیوں کو سینٹرل کنٹریکٹ دینے کا اعلان کیا ہے۔ معاہدے میں قومی کرکٹرز کو آئی سی سی ریونیو کا حصہ بھی ملے گا۔

سینٹرل کنٹریکٹ میں وائٹ بال اور ریڈ بال کیٹیگریز کو ایک ساتھ کردیا گیا ہے، پی سی بی نے سینٹرل کنٹریکٹ کو 4 کیٹیگریز میں تقسیم کیا ہے۔

اے کیٹیگری میں 3 کھلاڑی شامل ہیں جن کے معاوضوں میں 202 فیصد اضافہ گیا کیا ہے جب کہ بی کیٹگری میں 6 کرکٹرز کو شامل کیا گیا ہے جن کی تنخواہوں میں 144 فیصد اضافہ کردیا گیا۔

اسی طرح سی کیٹگری میں 2 کرکٹرز شامل ہیں اور اوران کے معاوضوں میں 135 اضافہ کیا گیا ہے۔ اس کے علاوہ کیٹگریز سی میں 14 کرکٹرز شامل ہیں۔

سینٹرل کنٹریکٹ پر ردعمل دیتے ہوئے کپتان بابر اعظم کا کہنا تھا کہ ’’سینٹرل کنٹریکٹ سے مکمل مطمئن اور خوش ہوں، یہ ایک تاریخی معاہدہ ہے جس میں پی سی بی چیئرمین ذکاء اشرف نے ذاتی دلچسپی لی جس کے لیے ان کا شکریہ‘‘۔

بابر اعظم نے کہا کہ بورڈ سے مذاکرات ایک طویل اور چیلنجنگ عمل تھا لیکن ہم صاف اور فائدہ مند معاہدے پر پہنچے، یہ معاہدہ کھلاڑیوں کے کیریئر اور پاکستان کرکٹ کے لیے ایک نیا باب ثابت ہوگا۔

انہوں نے مزید کہا کہ ہماری مکمل توجہ ورلڈ کپ پر ہے اور ہم اس کے لیے پوری طرح تیار ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/sports/2023/09/596066/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/sports/2023/09/596066/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں