ایشیاکپ 2023 میں پاک بھارت ٹاکرا کل 2 ستمبر کو سری لنکا کے پالی کیلے انٹرنیشنل کرکٹ اسٹیڈیم میں کھیلا جائے گا۔

ایشیاکپ 2023 کا آغاز 30 اگست سے ہوگیا ہے جس میں اب تک دو میچز کھیلے جاچکے ہیں، پہلے مقابلے میں پاکستان کا مقابلہ نیپال سے ہوا جس میں پاکستان نے 238 رنز سے کامیابی اپنے نام کی۔

دوسرا میچ 31 اگست کو سری لنکا اور بنگلادیش کی ٹیموں کے درمیان کھیلا گیا جس میں سری لنکا نے 5 وکٹوں سے کامیابی اپنے نام کی۔

ایونٹ کا تیسرا اور سب سے بڑا میچ کل 2 ستمبر کو پالی کیلے انٹرنیشنل کرکٹ اسٹیڈیم میں کھیلا جائے گا جس میں پاکستان اور بھارت کی ٹیمیں مدمقابل ہوں گی۔

میچ سے قبل پریس کانفرنس کرتے ہوئے بھارتی کرکٹ ٹیم کے کپتان روہت شرما پاکستان کی تباہ کن بولنگ کے باعث کچھ گھبرائے ہوئے نظر آئے۔

انہوں نے کہا کہ پاکستان ٹیم کو کمزور حریف نہیں سمجھ رہے، معلوم ہے کہ ورلڈ نمبر ون ٹیم کے خلاف کھیلنا ہے، پاکستان ٹیم نے گزشتہ سالوں میں اچھی کرکٹ کھیلی ہے تو اس لیے نمبر ون ہیں۔

ان کا کہنا تھا کہ شاہین آفریدی، نسیم شاہ اور حارث رؤف ایک مضبوط یونٹ بن چکے ہیں، ہمارے پاس نیٹ میں کھیلنے کیلئے شاہین، حارث اور نسیم نہیں ہیں۔

روہت شرما نے کہا کہ ہم کافی عرصے سے اس پاکستانی پیس اٹیک کو کھیل رہے ہیں لہذا ہم اپنا تجربہ استعمال کریں گے۔

انہوں نے مزید کہا کہ پاکستان ٹیم کی کوائلٹی اور کلاس سے آگاہ ہیں، جیت کی کوشش کریں گے۔ ہمارے بولرز انجری سے واپس آئے ہیں، تمام بولرز سے اچھی توقعات ہیں۔

حالات حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/sports/2023/09/674342/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/sports/2023/09/674342/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں