ایشیاکپ 2023 کے سپر فور مرحلے میں پاکستان کو بھارت کے ہاتھوں بدترین شکست کا سامنا کرنا پڑا ہے۔

کولمبو میں پاکستان اور بھارت کی ٹیموں کے درمیان ایشیاکپ 2023 کے سپر فور مرحلے کا ہائی وولٹیج میچ کھیلا گیا جس میں پاکستان کو 228 رنز سے بدترین شکست کا سامنا کرنا پڑا۔

India win the Super 4 match in Colombo by 228 runs.#PAKvIND | #AsiaCup2023 pic.twitter.com/letSsIzja8

— Pakistan Cricket (@TheRealPCB) September 11, 2023

پاکستان نے ٹاس جیت کر پہلے بولنگ کرنے کا فیصلہ کیا جب کہ بھارت نے پہلے بیٹنگ کرتے ہوئے مقررہ 50 اوورز میں 2 وکٹوں کے نقصان پر 356 رنز اسکور کیے۔

بھارت کی بیٹنگ

بارش کے باعث پہلے دن کا کھیل 2 وکٹوں کے نقصان پر 147 رنز پر ختم کرنے کے بعد دوسرے دن کے کھیل کو وہی سے شروع کیا گیا جب کہ کپتان روہت شرما 56 اور شبھمن گل 58 رنز بناکر آؤٹ ہوئے تھے۔

دوسرے دن کے کھیل کا آغاز کے ساتھ ہی بھارتی کھلاڑی ویرات کوہلی اور کے ایل راہول نے جارحانہ بیٹنگ کا مظاہرہ کرتے ہوئے پاکستانی بولنگ لائن کو اڑا کر رکھ دیا۔

ویرات کوہلی نے 94 گیندوں پر سنچری کی بدولت 122 رنز اسکور کیے جب کہ انہوں نے 9 چوکے اور 3 چھکے لگائے، کے ایل راہول نے 12 چوکوں اور 2 چھکوں کی مدد سے 106 گیندوں پر 111 رنز کی ناٹ آؤٹ اننگز کھیلی۔

پاکستان کی جانب سے شاہین آفریدی اور شاداب خان نے ایک ایک کھلاڑی کو آؤٹ کیا، علاوہ ازیں پاکستان کے کسی بھی بولر نے کوئی وکٹ حاصل نہیں کی۔

پاکستان کی بیٹنگ

قومی بیٹنگ لائن ابتدا ہی سے مشکلات کا شکار دکھائی دی اور بھارت کے سامنے ریت کی دیوار ثابت ہوئی، پوری ٹیم 32 اوورز میں ہی صرف 128 رنز پر ڈھیر ہوگئی۔

امام الحق 9 ، کپتان بابر اعظم 10، محمد رضوان 2، آغا سلمان 23، فخر زمان 27، افتخار احمد 23 اور فہیم اشرف 4 رنز بناکر آؤٹ ہوئے۔

نسیم شاہ اور حارث رؤف انجری کے باعث بیٹنگ نہ کرسکے جب کہ شاہین آفریدی 7 رنز بناکر ناٹ آؤٹ رہے۔

بھارت کی جانب سے کلدیپ یادیو نے عمدہ بولنگ کا مظاہرہ کرتے ہوئے 5 کھلاڑیوں کو آؤٹ کیا جب کہ جسپریت بھمرا، ہاردک پانڈیا اور شردل ٹھاکر نے ایک ایک وکٹ حاصل کی۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/sports/2023/09/704787/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/sports/2023/09/704787/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں