چیئرمین پی سی بی مینجمنٹ کمیٹی ذکاء اشرف نے کہا ہے کہ قومی کھلاڑیوں کی بڑھتی ہوئی انجریز کے باعث انہیں صرف دو لیگز کھیلنے کی اجازت ملے گی۔

چیئرمین پی سی بی مینجمنٹ کمیٹی ذکاء اشرف نے بول نیوز سے غیر رسمی گفتگو میں بتایا کہ قومی کرکٹرز کو بڑھتی ہوئی انجریز کے باعث صرف دو لیگز کھیلنے کی اجازت ہوگی۔

ذکاء اشرف کہتے ہیں قومی کرکٹرز کے سینٹرل کنٹریکٹ میں تاخیر پلیئرز کے دستخط نہ ہونے کی وجہ سے ہے، کھلاڑیوں کے ایجنٹس ان کو مختلف امور پر بحث کرنے پر مجبور کرتے ہیں اس لیے سینٹرل کنٹریکٹ تاخیر کا شکار ہوا۔

چیئرمین پی سی بی مینجمنٹ کمیٹی نے بتایا کہ کھلاڑیوں کو سینٹرل کنٹریکٹ اور کتنی لیگز کھیلنی ہیں اس حوالے سے مکمل آگاہ کردیا ہے، کھلاڑیوں کے پاس سینٹرل کنٹریکٹ پہنچ گئے ہیں، اب پلیئرز کی مرضی وہ کب دستخط کرتے ہیں۔

انہوں نے کہا کہ ہم نے کرکٹرز کی میچ فیس سمیت دیگر مراعات میں اتنا اضافہ کردیا کہ وہ کسی کی طرف نہ دیکھیں، ایک پی ایس ایل اور دوسری وہ کوئی بھی لیگ کھیل سکیں گے تاکہ ورک لوڈ زیادہ نہ ہو۔

ذکاء اشرف نے مزید کہا کہ ایشیاکپ یا ورلڈکپ کپ جیسے بڑے ٹورنامنٹ سے دو ماہ قبل کھلاڑی کوئی لیگ نہیں کھیل سکیں گے، کھلاڑیوں کو ایشیاکپ پر اوور لوڈ دیکھا گیا، اس لیے صرف دو لیگز کی اجازت ہوگی۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/sports/2023/09/863992/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/sports/2023/09/863992/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں