پی ایس ایل کا اگلا ایڈیشن پاکستان میں ہی کرانے کا فیصلہ کرلیا گیا ہے۔

پی ایس ایل گونننگ کونسل کے اجلاس کی اندرونی کہانی سامنے آگئی ہے اور پی سی بی ذرائع کے مطابق الیکشن کی وجہ سے پی ایس ایل کو کسی اور ملک منتقل نہیں کیا جائے گا۔

ذرائع کا کہنا ہے کہ ذکا اشرف کی صدارت میں پی ایس ایل گورنننگ کونسل اجلاس میں اہم فیصلے کیے گئے ہیں، تمام فرنچائزز نے پی ایس ایل کہیں اور منتقل نہ کرنے پر اتفاق کیا ہے۔

ذرائع کا مزید کہنا ہے کہ الیکشن کی وجہ سے اگر میچز متاثر ہونے کا خدشہ ہوا تو پی ایس ایل کے شیڈول کو تبدیل کیا جائے گا۔

دوسری جانب پی ایس ایل سیزن 9 کی تاریخ سامنے آگئی ہے اور اگلا ایڈیشن آئندہ برس 8 فروری سے شروع ہوگا اور فائنل 24 مارچ کو کھیلا جائے گا۔

پاکستان کرکٹ بورڈ نے اعلان کیا ہے کہ پاکستان سپرلیگ 2024 میں 6 ٹیمیں ہی برقرار رہیں گی اور آنے والے سیزن میں کسی نئی ٹیم کا اضافہ نہیں ہوگا جب کہ پاکستان سپر لیگ کا حتمی شیڈول اگلی میٹنگ میں طے ہوگا۔

پاکستان سپر لیگ گورننگ کونسل اجلاس میں مزید اہم فیصلے بھی کیے گئے ہیں جس کے مطابق پی ایس ایل 9 کے ڈیجیٹل رائٹس کی فروخت کے لیے بولی لگائی جائے گی۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/sports/2023/09/934193/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/sports/2023/09/934193/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں