پاکستان کرکٹ بورڈ کی مینجمنٹ کمیٹی کے چیئرمین ذکاء اشرف نے احمد آباد میں پاکستان کرکٹ ٹیم کے کھلاڑیوں سے ملاقات کی ہے۔

پی سی بی مینجمنٹ کمیٹی کے چیئرمین ذکا اشرف نے ملاقات میں ٹیم کو ورلڈ کپ میں اچھی کارکردگی دکھانے کے لیے متحرک کیا اور قومی ٹیم کا حوصلہ بڑھایا۔

ذکاء اشرف نے کہا کہ آپ لوگ ملک کے ہیرو ہیں اور پاکستان میں ہر کوئی آپ کے لیے دعاگو ہے جس پر کپتان بابر اعظم نے جواب دیا کہ سب کی توجہ ورلڈ کپ میں اچھی کارکردگی دکھانے پر مرکوز ہے۔

اس سے قبل قومی ٹیم کے کپتان نے پریس کانفرنس کی جس میں انہوں نے کہا کہ بھارت کے خلاف کوئی دباؤ نہیں ہوگا، میچ پراعتماد انداز میں کھیلیں گے۔

بابر اعظم کا کہنا تھا کہ ورلڈ کپ کے لیے فیلڈنگ پر زیادہ توجہ دینا ہوگی۔ انڈر لائٹس بیٹنگ آسان ہوگی، نسیم شاہ نے ایشیاکپ میں متاثرکن بولنگ کی لیکن ورلڈکپ میں ان کی کمی محسوس کریں گے۔

کپتان نے مزید کہا کہ شاہین آفریدی بڑے میچ کا بڑا بولر ہے، بھارت کو جلد آؤٹ کرنے کی کوشش کریں گے، ورلڈکپ میں اب تک اس طرح بیٹنگ نہیں کی جیسے کرنی چاہیے۔

واضح رہے کہ ورلڈکپ میں پاکستان ٹیم اپنا تیسرا میچ کل بھارت کے خلاف احمد آباد کے نریندر مودی اسٹیڈیم میں کھیلے گی۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/sports/2023/10/599694/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/sports/2023/10/599694/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں