پاک بھارت میچ کے دوران بھارتی شائقین کی جانب سے نامناسب پوسٹر کے ذریعے پاکستان کا مزاق اڑانے کی کوشش کی گئی۔

یہ پوسٹر سماجی رابطے کی سائٹ ایکس پر وائرل ہورہا ہے جس میں لکھا ہے ’’باپ ہمیشہ باپ ہی ہوگا‘‘ جب کہ پوسٹر میں دکھایا گیا ہے بھارتی کھلاڑی ویرات کوہلی پاکستان کے کپتان بابر اعظم کو اپنی گود میں اٹھائے ہوئے ہیں‘‘۔

خیال رہے کہ بھارتی شائقین ہوں یا پولیس یا پھر بھارتی کرکٹ بورڈ سب ہی ورلڈکپ کے دوران پاکستان سے نفرت کا اظہار کرتے نظر آرہے ہیں۔

گزشتہ روز آسٹریلیا کے خلاف میچ میں بھی بھارتی پولیس کے اہلکار نے پاکستانی شائق کو ’پاکستانی زندہ باد‘ کا نعرہ لگانے سے روک دیا تھا۔

بھارتی پولیس اہلکار کی ویڈیو سوشل میڈیا پر تیزی سے وائرل ہوگئی تھی جس پر شائقین نے آئی سی سی اور بھارتی کرکٹ بورڈ کو کڑی تنقید کا نشانہ بنایا تھا۔

واضح رہے کہ بھارت کے خلاف میچ میں پاکستان نے پہلے بیٹنگ کرتے ہوئے 191 رنز کا ہدف دیا تھا جس کو بھارت نے 30.3 اوورز میں باآسانی 3 وکٹوں کے نقصان پر پورا کرلیا تھا۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/sports/2023/10/663719/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/sports/2023/10/663719/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں