قومی ٹیم کے مایہ ناز فاسٹ بولر حسن علی بخار میں مبتلا ہوگئے جس کے باعث جنوبی افریقہ کے خلاف ان کی شرکت مشکوک ہوگئی۔

قومی فاسٹ بولر حسن علی بخار میں مبتلا ہوگئے ہیں جس کے باعث ان کی شرکت کل جنوبی افریقہ کے خلاف ہونے والے ورلڈکپ میچ میں غیر یقینی ہے۔

ذرائع کے مطابق وسیم جونیئر کو حسن علی کی جگہ میدان میں اتارنے کا امکان جب کہ اسامہ میر کی جگہ محمد نواز کل میدان میں اتریں گے۔

ذرائع کا کہنا ہے کہ فخر زمان کی گھٹنے کی تکلیف بہتر ہے لیکن میچ فنٹس وہ تاحال حاصل نہیں کرسکے ہیں جب کہ پاکستان ٹیم جنوبی افریقہ کے خلاف دو تبدیلیوں کے ساتھ میدان میں اترے گی۔

یاد رہے کہ اس سے قبل یہ خبر سامنے آئی تھی کہ اوپننگ بلے باز فخرزمان کا گھنٹے کی انجری کے باعث ورلڈکپ سے باہر ہونے کا امکان ہے۔

فخر زمان کے باہر ہونے کی صورت میں پاکستان ٹیم کے ورلڈ کپ اسکواڈ میں تبدیلی کی جائے گی اور لیگ سپنر ابرار احمد کو فخر زمان کے متبادل کے طور پر اسکواڈ میں شامل کیا جائے گا۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/sports/2023/10/715554/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/sports/2023/10/715554/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں