قومی کرکٹ ٹیم کے چیف سلیکٹر انضمام الحق نے اپنے عہدے سے استعفیٰ دے دیا ہے۔

تفصیلات کے مطابق قومی کرکٹ ٹیم کے چیف سلیکٹر انضمام الحق پی سی بی مینجمنٹ کمیٹی کے چیئرمین ذکاء اشرف سے ملاقات کے لیے آئے تھے لیکن ان کی ملاقات نہ ہوسکی۔

چیف سلیکٹر کہتے ہیں کہ مجھ پرسوالات اٹھائے گئے ہیں تو بہتر ہے ایک طرف ہوجاؤں، پی سی بی اگر انکوائری کرنا چاہتا ہے تومیں دستیاب ہوں۔

انضمام الحق نے کہا کہ لوگ بغیرانکوائری کے باتیں کررہے ہوتے ہیں، پی سی بی سے بھی کہا ہے کہ انکوائری کریں۔

انہوں نے بتایا کہ مجھے کال آئی اور کہا گیا کہ 5 لوگوں کی کمیٹی بنارہے ہیں، موجودہ حالات میں بہترسمجھا کہ استعفیٰ دے دوں۔

واضح رہے کہ اس سے قبل بھی چیف سلیکٹر انضمام الحق کی عہدے سے مستعفیٰ ہونے کی خبریں زیر گردش تھیں۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/sports/2023/10/747703/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/sports/2023/10/747703/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں