سابق لیگ اسپنر دنیش کنیریا نے شاہد آفریدی کے خلاف الزامات کا نیا پنڈورا باکس کھول دیا ہے۔

پاکستان کے 43 سالہ سابق کھلاڑی اور اسپاٹ فکسنگ میں ملوث دنیش کنیریا نے حال ہی میں بھارتی چینل آج تک کو انٹرویو دیا جس میں انہوں نے الزامات کی بوچھاڑ کردی ہے۔

#Exclusive "मुझे इंज़माम-उल-हक ने अच्छा सपोर्ट किया"

"शाहिद अफरीदी और बाकि लोगों ने मुझे बहुत सताया है, मेरे साथ खाना नहीं खाते थे, conversion की बात करते थे.."-@DanishKaneria61

Advertisement

पूरा शो: https://www.bolnews.com/urdu/sports/2023/10/989417/amp/#BlackAndWhiteOnAajTak #DanishKaneria @sudhirchaudhary pic.twitter.com/7cgYW47eKt

— AajTak (@aajtak) October 25, 2023

سابق لیگ اسپنر کہتے ہیں ’’شاہد آفریدی سمیت کئی کرکٹرز میرے ہندو ہونے کی وجہ سے میرے ساتھ کھانا تک نہیں کھاتے تھے جب کہ شاہد آفریدی نے تو مجھے زبردستی اسلام قبول کروانے کی بھی کوشش کی‘‘۔

انہوں نے کہا کہ مجھ پر کاؤنٹی کیریئر کے دوران اسپاٹ فکسنگ کا الزام لگایا گیا تھا جب کہ میں نے اعتراف بھی کیا کہ میں صرف بکی سے ملا ہوں لیکن انہوں نے مجھ کر دباؤ ڈالا کہ میں الزامات کو قبول کروں۔

دنیش کنیریا کا کہنا تھا کہ پاکستان کرکٹ بورڈ نے بھی ہندو ہونے کی وجہ سے میرا ساتھ نہیں دیا جب کہ بورڈ سمیت کئی کرکٹرز خوفزدہ تھے کہ اگر میں کھیلتا رہا تو ان کے ریکارڈز توڑ دوں گا۔

سابق کھلاڑی مزید کہتے ہیں کہ شعیب اختر اور سابق کپتان انضمام الحق میرے بہترین دوست تھے جو ہر موڑ پر میرا ساتھ دیا کرتے تھے۔

واضح رہے کہ دنیش کنیریا سال 2000 سے 2010 تک پاکستان ٹیم کی نمائندگی کرچکے ہیں، جس دوران انہوں نے 61 ٹیسٹ اور 18 ون ڈے میچز کھیلے ہیں۔ اپنے کیریئر میں سابق کھلاڑی نے 261 ٹیسٹ وکٹیں اور ون ڈے میں 15 وکٹیں حاصل کیں ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/sports/2023/10/989417/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/sports/2023/10/989417/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں