ورلڈ کپ میں شرمناک شکست کے بعد سوشل میڈیا صارفین نے بھارت کو آڑے ہاتھوں لے لیا۔

آئی سی سی مینز کرکٹ ورلڈکپ 2023 کا فائنل گزشتہ روز نریندر مودی کرکٹ اسٹیڈیم میں بھارت اور آسٹریلیا کی ٹیموں کے درمیان کھیلا گیا جس میں بھارت کو شرمناک شکست کا سامنا کرنا پڑا۔

بھارت نے پہلے بیٹنگ کرتے ہوئے 241 رنز کا ہدف دیا جس کو آسٹریلیا نے 4 وکٹوں کے نقصان پر حاصل کرکے چھٹی بار عالمی اعزاز اپنے نام کیا۔

شکست پر بھارتی کرکٹ فینز آپے سے باہر ہوگئے اور سماجی رابطے کی سائٹ ایکس پر پاکستانی سمیت لاکھوں افراد نے بھارتی ٹیم اور بالخصوص عرفان پٹھان کو آڑے ہاتھوں لیا۔

صارفین نے بھارت کو غرور کا نتیجہ اور کچھ نے قدرت کا نظام قرار دیا جب کہ پاکستانی صارفین نے سابق بھارتی کھلاڑیوں کو بھی تنقید کا نشانہ بنایا اور ایکس پر میمز کی بھرمار کردی۔