لاہور: جونیئر ہاکی ورلڈ کپ کے لیے پاکستان نے 18 رکنی ٹیم کا اعلان کردیا ہے۔

جونیئر ہاکی ورلڈ کپ کے لیے پاکستان نے ٹیم کا اعلان کیا ہے جب کہ کپتان حنان شاہد کو برقرار رکھنے کا فیصلہ کیا گیا ہے۔

علاوہ ازیں ٹیم میں گول کیپر علی رضا، عقیل احمد، اکبر منان، زکریا حیات، غضنفر علی، علی مرتضیٰ، عبدلامنان شاہد، عمر مصطفیٰ شامل ہیں جب کہ بشارت علی، ارباب ریاض کو ریزرو کھلاڑی کے طور پر شامل کیا گیا ہے۔

چیئرمین سلیکشن کمیٹی آصف باجوہ کہتے ہیں میرٹ پر کوئی سمجھوتہ نہیں ہوگا، پاکستان ٹیم کا گروپ مشکل ضرور ہے لیکن ہم اچھی کارکردگی کے لیے پرامید ہے۔

کوچ رولینٹ اولٹمنس کا کہنا ہے کہ اس ٹیم کے ساتھ میں پہلے بھی کوچنگ کرچکا ہوں، یہ ٹیم پہلی ٹیموں سے بہتر لگ رہی ہے جب کہ ٹیم کی سلیکشن میں مشاورت کی گئی ہے۔