عماد وسیم کے خیر باد کہنے کے بعد شان مسعود کو کراچی کنگز کا کپتان بنائے جانے کا امکان ہے۔

پاکستان سپرلیگ (پی ایس ایل) سیزن 9 کے لیے ٹیموں میں اکھاڑ پچھاڑ جاری ہے اور کراچی کنگز کے کپتان عماد وسیم نے 8 سال بعد ٹیم کو چھوڑنے کا فیصلہ کیا ہے۔

عماد وسیم کراچی کنگز سے اسلام آباد یونائیٹڈ چلے گئے ہیں جب کہ حسن علی نے بھی اسلام آباد یونائیٹڈ کی ٹیم کو خیرباد کہہ دیا ہے۔

یہ بھی پڑھیں: پی ایس ایل 9: عماد وسیم کا کراچی کنگز چھوڑنے کا فیصلہ

نسیم شاہ کا کوئٹہ گلیڈی ایٹرز چھوڑ کر ملتان جانے کا امکان ہے جب کہ عماد وسیم کے بعد شان مسعود کو کراچی کنگز کا کپتان بنائے جانے کا امکان ہے۔

واضح رہے کہ پی ایس ایل کا اگلا ایڈیشن 8 فروری سے 24 مارچ تک کھیلا جائے گا جس کے لیے غیر ملکی کھلاڑیوں کی رجسٹریشن کا عمل پہلے ہی شروع ہوچکا ہے جب کہ  دسمبر میں نیشنل ٹی ٹوئنٹی کے اختتام پر پی ایس ایل کا ڈرافٹ شیڈول ہوگا۔