ورلڈکپ میں بنگلادیش کے خلاف فتح کے بعد سابق کرکٹر محمد عامر بھی کپتان بابر اعظم کی حمایت میں سامنے آگئے۔

مقامی نیوزی چینل پر گفتگو کرتے ہوئے سابق کرکٹر محمد عامر نے بابر اعظم کے کھیلنے کے طریقے میں تبدیلی کی طرف اشارہ کرتے ہوئے ان کی تعریف کی۔

محمد عامر کہتے ہیں ’’کم از کم بابر اعظم کھیلنے کی کوشش کررہے تھے اور ان کے بارے میں جو چیز مجھے پسند آئی وہ یہ تھی کہ وہ اسپنرز کے خلاف اپنے پاؤں کا استعمال کررہے تھے‘‘۔

یہ بھی پڑھیں: سابق انگلش کرکٹر کا بابر اعظم پر تنقید کرنے والوں کو کرارا جواب

سابق کرکٹر نے کہا ’’شاید بابر تھوڑا پیچھے ہٹے ہوں لیکن وہ اپنے دفاعی انداز سے نکل کر سامنے آئے ہیں، ہوسکتا ہے کہ شروع میں کچھ ناکامیاں ہوں لیکن یہ اچھی بات ہے کہ وہ اپنے دفاعی خول سے باہر آگئے ہیں‘‘۔

یاد رہے کہ بابر اعظم بنگلادیش کے خلاف صرف 9 رنز بناکر مہدی حسن کی گیند پر کیچ دے بیٹھے تھے جب کہ ورلڈکپ میں انہوں نے 30.85 کی اوسط سے تین نصف سنچریوں کی بدولت 216 رنز اسکور کیے ہیں۔

خیال رہے کہ گزشتہ روز ورلڈکپ میں پاکستان کا مقابلہ بنگلادیش سے ہوا جس میں بنگلادیش نے 205 رنز کا ہدف دیا اور پاکستان نے مقررہ ہدف 32.3 اوورز میں 3 وکٹوں کے نقصان پر پورا کرلیا۔

ورلڈکپ میں قومی ٹیم کے ابھی دو میچز ہونا باقی ہیں جس میں پہلا مقابلہ نیوزی لینڈ اور دوسرا مقابلہ انگلینڈ سے ہوگا تاہم پاکستان کا سیمی فائنل میں کوالیفائی انتہائی مشکل ہے اور پاکستان کو اب بھی اگر مگر کی صورت حال کا سامنا ہے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/sports/2023/11/829991/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/sports/2023/11/829991/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں