فاسٹ بولر شاہین آفریدی کی وائرل ہونے والی تصویر کی حقیقت سامنے آگئی ہے۔

پاکستان کرکٹ ٹیم کے مایہ ناز فاسٹ بولر شاہین آفریدی کی تصویر سوشل میڈیا پر وائرل ہورہی ہے جس میں وہ زخمی دکھائی دے رہے ہیں۔

تصویر وائرل ہونے کے بعد شائقین کرکٹ تشویش میں مبتلا ہوگئے ہیں کہ کہیں شاہین آفریدی بھی تو زخمی نہیں ہوگئے اور کیا وہ آسٹریلیا کے خلاف سیریز کھیل سکیں گے۔

تازہ ترین اطلاعات کے مطابق شاہین آفریدی کی ناک پر پھنسی نکلی ہوئی ہے جس کے باعث ان کی ناک پر پٹی دکھائی دے رہی اور وہ بالکل فٹ ہیں۔

دوسری جانب شاہین آفریدی کو آسٹریلیا کے خلاف تیسرے ٹیسٹ میں آرام دیے جانے کا امکان ہے، اگر پاکستان کو آسٹریلیا کے خلاف دوسرے ٹیسٹ میں بھی شکست کا سامنا کرنا پڑتا ہے تو شاہین آفریدی کو تیسرے ٹیسٹ میں آرام کروایا جائے گا۔

رپورٹ کے مطابق شاہین آفریدی بیک ٹو بیک میچز کی وجہ سے تھکاوٹ کا شکار ہیں جب کہ ٹیم انتظامیہ چاہتی ہے کہ وہ نیوزی لینڈ کے خلاف سیریز سے قبل تازہ دم ہوجائیں۔

واضح رہے کہ تیسرا ٹیسٹ 7 جنوری کو ختم ہوگا جس کے فوری بعد نیوزی لینڈ کے خلاف ٹی ٹوئنٹی سیریز کا آغاز 12 جنوری سے ہوگا جب کہ دونوں سیریز کے درمیان بہت ہی کم وقفہ ہے۔