پاکستان کے سابق آل راؤنڈر عماد وسیم ٹی ٹوئنٹی کرکٹ کی ریکارڈ بک میں نام درج کروانے والے دوسرے پاکستانی کھلاڑی بن گئے۔

انٹرنیشنل کرکٹ سے ریٹائرمنٹ کا اعلان کرنے والے عماد وسیم نے ٹی ٹوئنٹی کرکٹ کی ریکارڈ بک میں اپنا درج کروالیا ہے جس کے بعد وہ ریکارڈ بک میں نام درج کروانے والے دوسرے پاکستانی کھلاڑی بن گئے ہیں۔

https://twitter.com/grassrootscric/status/1739594517408628789

اس سے قبل آل راؤنڈر اظہر محمود نے 2012 میں اپنا نام ٹی ٹوئنٹی کرکٹ کی ریکارڈ بک میں درج کروایا تھا جب کہ سابق پاکستانی آل راؤنڈر نے یہ سنگِ میل آسٹریلیا میں جاری بگ بیش لیگ میں میلبرن اسٹارز کی نمائندگی کرتے ہوئے عبور کیا ہے۔

انہوں نے ٹی ٹوئنٹی کرکٹ کیلنڈر ایئر میں ایک ہزار سے زائد رنز بنائے ہیں اور 50 وکٹیں بھی حاصل کیں ہیں۔

اس سے قبل ویسٹ انڈیز کے کیرون پولارڈ 2010 اور آندرے رسل بھی 2016 میں یہ کارنامہ انجام دے چکے ہیں جب کہ پاکستان کے واحد کرکٹر اظہر محمود اس فہرست میں شامل تھے۔