لاہور: وزیر کھیل پنجاب وہاب ریاض سے کتلونیا کرکٹ فیڈریشن اسپین کے چیئرمین چوہدری امانت مہر کی ملاقات ہوئی جس میں پاکستانی اور اسپین کے کھلاڑیوں کے درمیان میچز کروانے سمیت کھیلوں کے فروغ  پر گفتگو ہوئی۔

لاہور میں وزیر کھیل پنجاب وہاب ریاض سے اسپین سے آئے کتلونیا کرکٹ فیڈریشن کے چیئرمین چوھدری امانت حسین مہر نے ملاقات کی۔

ملاقات میں کتلونیا، اسپین اور پاکستانی کھلاڑیوں کے درمیان لیگ کروانے، سپین میں کرکٹ اور مختلف کھیلوں کے فروغ پر بات چیت کی گئی۔

اس موقع پر وہاب ریاض نے کہا کہ پاکستانی کلب ٹیموں اور کتلونیا اسپین کے کھلاڑیوں کے درمیان میچز سے کرکٹ کو مزید فروغ ملے گا۔

انہوں نے کہا کہ دونوں ممالک کے کھلاڑیوں کے درمیان میچز پاکستان اور اسپین میں بھی کروائے جائیں گے۔

کتلونیا کرکٹ فیڈریشن کے چیئرمین چودھری امانت حسنین مہر نے کہا کہ کتلونیا میں دو بڑے کرکٹ اسٹیڈیم تیار کئے جارہے ہیں جس میں کھلاڑیوں کو جدید سہولیات میئسر ہوں گی

انہوں نے مزید کہا کہ کوشش ہے پاکستان اور کتلونیا، اسپین کے کھلاڑیوں کے درمیان کرکٹ لیگ کا انعقاد ٹی ٹوئنٹی ورلڈ کپ سے قبل ہو۔