جنوبی افریقہ کے وکٹ کیپر و بیٹر ہینرک کلاسن نے ٹیسٹ کرکٹ سے ریٹائرمنٹ کا اعلان کردیا۔

جنوبی افریقہ کے اسٹار وکٹ کیپر و بیٹر ہینرک کلاسن نے ٹیسٹ کرکٹ سے ریٹائرمنٹ کا اعلان کردیا تاہم وہ وائٹ بال کرکٹ کے لیے دستیاب رہیں گے۔

Just in: 🇿🇦 wicketkeeper-batter Heinrich Klaasen has announced his retirement from Test cricket

Full story 👉 https://www.bolnews.com/urdu/sports/2024/01/445286/amp/ pic.twitter.com/YVEGu8pzQM

Advertisement

— ESPNcricinfo (@ESPNcricinfo) January 8, 2024

ہیرنک کلاسن نے انسٹاگرام پر ریٹائرمنٹ کا اعلان کرتے ہوئے لکھا ’’چند راتیں بغیر نیند کے گزارنے کے بعد میں نے سوچا کہ کیا میں ٹھیک فیصلہ لے رہا ہوں‘‘۔

انہوں نے مزید لکھا ’’میں نے ریڈ بال کرکٹ سے ریٹائر ہونے کا فیصلہ کیا ہے، ریٹائرمنٹ کا فیصلہ مشکل تھا کیونکہ یہ میرا پسندیدہ فارمیٹ ہے‘‘۔

یاد رہے کہ ہینرک کلاسن ایک تجربہ کار فرسٹ کلاس کرکٹر ہیں جو 85 میچز میں 46 کی شاندار اوسط سے 5 ہزار 347 رنز بناچکے ہیں جب کہ انہوں نے 12 سنچریاں اور 24 نصف سنچریاں بھی اسکور کی ہیں۔

ان کا شمار ون ڈے انٹرنیشنل کرکٹ کے شاندار مڈل آرڈر بلے بازوں میں ہوتا ہے جب کہ انہوں نے 4 سال کے دوران صرف 4 ٹیسٹ میچز کھیلے ہیں اور حال ہی میں انہوں نے گزشتہ سال ویسٹ انڈیز کے خلاف ٹیسٹ کرکٹ کھیلی تھی۔

واضح رہے کہ ہینرک کلاسن جنوبی افریقہ کے دوسرے سینئر کرکٹر ہیں جو ٹیسٹ کرکٹ سے ریٹائرمنٹ لے رہے ہیں جب کہ اس سے قبل ڈین ایلگر نے ٹیسٹ کرکٹ سے ریٹائرمنٹ کا اعلان کیا تھا۔