شوٹنگ کے میدان سے بڑی خبر آگئی، پاکستان کی ویمن شوٹر کشمالہ طلعت نے پیرس اولمپکس  کے لیے کوالیفائی کرلیا۔

تفصیلات کے مطابق  ویمن شوٹر کشمالہ طلعت نے ایشین رائفل شوٹنگ چیمپئن شپ میں سلور میڈل جیت کر یہ اعزاز حاصل کیا۔

کشمالہ طلعت نے انڈونیشیا کے شہر جکارتہ میں آج سے شروع ہونے والی ایشین شوٹنگ چیمپئن شپ میں 10 میٹر ائیر پسٹل مقابلوں میں پاکستان کے لیے سلور میڈل جیتا۔

کشمالہ طلعت سے قبل جی ایم بشیر اور گلفام جوزف بھی اولمپکس  کے لیے کوالیفائی کرچکے ہیں۔

کشمالہ طلعت رواں سال فرانس کے شہر پیرس میں ہونے والے اولمپکس مقابلوں میں پاکستان کی نمائندگی کریں گی۔