قومی کرکٹر سلمان علی آغا آسٹریلیا کے خلاف کیچز ڈراپ ہونے پر بابر اعظم اور صائم ایوب کی حمایت میں سامنے آگئے ہیں۔

پاکستان اور آسٹریلیا کی ٹیموں کے درمیان ٹیسٹ سیریز کا تیسرا میچ سڈنی میں جاری ہے جس کے دوسرے دن کا کھیل بارش اور خراب روشنی کے باعث روک دیا گیا۔

آسٹریلیا نے پہلی اننگز میں 2 وکٹوں کے نقصان پر 116 رنز بنالیے ہیں جب کہ اس سے قبل پاکستان نے 313 رنز بنائے تھے۔

آسٹریلوی اننگز کے دوران پاکستان کھلاڑی صائم ایوب اور بابر اعظم نے اہم کیچ ڈراب کیے جس پر انہیں تنقید کا نشانہ بنایا جارہا ہے تاہم قومی اسپنر سلمان علی آغا ان کی حمایت میں سامنے آگئے ہیں۔

سلمان علی آغا نے سڈنی میں میڈیا سے گفتگو کرتے ہوئے کہا کہ اس سیریز میں بہت مواقع ملے جب کہ میچ میں کیچ ڈراپ ہونا کھیل کا حصہ ہے۔

انہوں نے کہا کہ عبداللہ شفیق ایک پراعتماد کھلاڑی ہیں، چاہے بابر اعظم ہوں یا کوئی اور کھلاڑی کیچ کسی بھی ڈراپ ہوسکتا ہے۔

ان کا کہنا تھا کہ سیکنڈ سلیپ پر کیچز زیادہ آتے ہیں جب کہ آسٹریلیا سے بھی کیچ ڈراپ ہوئے ہیں، سلپ میں کوئی کیچ آسان نہیں ہوتا اور ایسا کسی کے ساتھ بھی ہوسکتا ہے۔

انہوں نے مزید کہا کہ آسٹریلیا کے دورے سے ہمیشہ سیکھنے کا موقع ملتا ہے جب کہ وارنر کے خلاف حکمت عملی پر کوچز کے ساتھ کام کیا۔ ہم نے کیچز پکڑے بھی ہیں اس پر کیوں بات نہیں کی جاتی۔