تھائی لینڈ کے شہر بنکاک میں ہونے والی عالمی چیمپئن شپ میں پاکستانی کھلاڑی آغا کلیم نے لائٹ فلائی ویٹ کا ایونٹ جیت لیا۔

23 سالہ آغا کلیم نے قازقستان کے دو مرتبہ کے عالمی چیمپین کو پوائنٹس پر شکست دی، دوسرے مقابلے میں نیپالی کھلاڑی کو 50 سیکنڈ میں زیرکیا۔

چیمپئین شپ میں 40 ممالک سے تعلق رکھنے والے 5 سو سے زائد کھلاڑیوں نے شرکت کی۔

بلوچستان کے علاقے پشین سے تعلق رکھنے والا آغا کلیم بلدیہ ٹاؤن ، کراچی میں چائے کے ہوٹل پر کام کرتا ہے۔

ٹائیگر مارشل آرٹ اکیڈمی میں پریکٹس کرنے والا آغا کلیم سرکاری سرپرستی کا خواہاں ہے تاکہ مستقبل میں عالمی مقابلوں میں پاکستان کو نام مزید روشن اور بلند کرسکے۔

آغا کلیم  نے پانچ پانچ مرتبہ آل کراچی اور آل سندھ کک باکسنگ چیمپئن شپ میں میدان مارا۔ پھر ملک سے باہر ایران، قازقستان اور چین میں گولڈ میڈل حاصل کئے۔