کوالالمپور: ملائیشیا میں جاری انٹرنیشنل تائیکوانڈو چیمپین شپ میں پاکستانی کھلاڑی چھاگئے۔

ملائیشیا میں جاری انٹرنیشنل تائیکوانڈو چیمپین شپ میں پاکستان ٹیم نے بہترین کھیل کھیل کر 21 میڈل جیت لیے، پاکستانی کھلاڑیوں نے سات گولڈ، چھ سلور اور آٹھ براؤنز مڈل حاصل کیے۔

مختلف کیٹیگریز میں وانیا، ہانیا، محمد مصطفیٰ، آیان، عمائمہ اور ہشام نے گولڈ اپنے نام کیے، دیگر کیٹیگریز کے مقابلوں میں بھی پاکستانیوں نے سلور اور براؤنز میڈل اپنے نام کیے۔

عمران خان، وقار آفریدی نے براؤنز جب کہ احمد سلور میڈل جیتنے میں کامیاب ہوئے۔

کوچ وقار آفریدی کہتے ہیں کہ کھلاڑیوں کی کامیابی ان کی محنت کا نتیجہ ہے، کم وسائل میں کھلاڑیوں نے ثابت کیا کہ جیت کے لئے وسائل ناگزیر نہیں بلکہ محنت اہم ہے۔