مکسڈ مارشل آرٹس ایشین چیمپئن شپ کے فائنل مقابلے آج ہورہے ہیں۔

جونئیرز فلائی ویٹ کی 56.7 کلوگرام کیٹیگری میں تاجکستان کے یعقوب جان سفروو نے پاکستانی حریف عبدالمنان کو شکست دے دی۔

یعقوب جان نے تیسرے راؤنڈ میں پاکستانی حریف عبدالمنان کو شکست دی جب کہ یعقوب جان نے پاکستانی حریف کو شکست دے کر گولڈ میڈل جیت لیا، پاکستانی فائٹر عبدالمنان سلور میڈل کے حقدار قرار پائے۔

پاکستان کے ایک اور فائٹر کو فائنل راؤنڈ میں شکست کا سامنا کرنا پڑا ہے، ذیشان اکبر کو کرغزستان کے فائٹر نے جونیئر بنٹم ویٹ کیٹیگری میں شکست دی۔

ذیشان اکبر سلور میڈل کے حقدار قرار پائے، تین راؤنڈ مکمل ہونے کے بعد ذیشان اکبر کو ججز کے مشترکہ فیصلے کے بعد ناکام قرار دیا گیا ہے۔

خیال رہے کہ پاکستان کی جانب سے عبدالمنان، ذیشان اکبر، شہاب علی اور بانو بٹ نے فائنل کے لئے کوالیفائی کیا تھا۔

ایمان علی اور بشریٰ احمد تکنیکی وجوہات کی بنیاد پر پہلے سے فائنل کے لئے کوالیفائی کرچکی ہیں جب کہ فائنل میں پاکستان کے تین مرد اور تین خواتین فائٹرز مقابلہ کریں گی، فائنل مقابلوں میں آج 22 فائٹس ہوں گی۔