اسلام آباد: قومی اسمبلی نے ارشد ندیم کو خراج تحسین پیش کرنے کے لئے قراداد منظور کرلی۔

قومی اسمبلی نے پیرس اولمپکس 2024 میں عالمی فتح حاصل کرنے والے ارشد ندیم کے لیے متفقہ قرارداد منظور کرلی ہے۔

قراداد میں کہا گیا ہے کہ یہ ایوان ارشد ندیم کو سلام پیش کرتا ہے، ارشد ندیم نے ثابت کیا کہ وسائل کی کمی راستہ نہیں روک سکتی، یہ ایوان ارشد ندیم کی سابقہ کامیابی کو بھی احترام سے دیکھتی ہے۔

قراداد میں مزید کہا گیا ہے کہ یہ ایوان سفارش کرتا ہے کہ صدر مملکت ارشد ندیم کو سول ایوارڈ سے نوازے جب کہ بعد ازاں قومی اسمبلی کا اجلاس غیر معینہ مدت کے لئے ملتوی کردیا گیا۔