پاکستانی کوہ پیما سرباز خان نے دنیا کی 14 بلند ترین چوٹیاں سرکرکے ملکی کوہ پیمائی تاریخ میں ایک نیا باب رقم کردیا۔

پاکستانی کوہ پیما سرباز خان دنیا کی 14 بلند ترین چوٹیاں سرکرنے والے پہلے پاکستانی بن گئے ہیں، انہوں نے حال ہی میں 8 ہزار 27 میٹر بلند شیشا پنگما چوٹی کو سر کیا ہے۔

اس چوٹی کو سر کرنے کے ساتھ ہی وہ دنیا بھر کے ان چند کوہ پیماؤں میں شامل ہوگئے ہیں، جنہوں نے یہ اعزاز حاصل کیا ہے۔

ان کا یہ سفر 2017 میں شروع ہوا تھا جب انہوں نے نانگا پربت کی چوٹی کو سر کیا تھا جب کہ اس کے بعد انہوں نے کے ٹو اور ماؤنٹ ایوریسٹ سمیت دنیا کی خطرناک چوٹیاں سر کیں تھیں۔

علاوہ ازیں سرباز خان نے 2023 میں چوا ویوکی چوٹی کو بھی سر کیا تھا اور اب شیشا پنگما چوٹی کو سر کرکے یہ تاریخی ہدف مکمل کرنے والے وہ پہلے پاکستانی ہیں۔

واضح رہے کہ سرباز خان نے 11 چوٹیوں کو بغیر آکسیجن کے سر کیا ہے جو کہ ایک انتہائی مشکل اور خطرناک ترین کارنامہ ہے۔