لاہور: چوتھے بلائنڈ ٹی ٹوئنٹی ورلڈکپ میں پاکستان نے مسلسل دوسری فتح حاصل کرلی۔

پاکستان اور بنگلادیش کی بلائنڈ کرکٹ ٹیموں کے درمیان چوتھے بلائنڈ ٹی ٹوئنٹی ورلڈکپ کا میچ کھیلا گیا جس میں پاکستان نے بنگلا دیش کو 8 وکٹوں سے شکست دے دی۔

اس کامیابی کے ساتھ ہی پاکستان بلائنڈ کرکٹ ٹیم نے ایونٹ میں اپنی مسلسل دوسری فتح حاصل کرلی ہے۔

پاکستان نے 146 رنز کا ہدف صرف 12.4 اوورز میں 2 وکٹوں کے نقصان پر حاصل کرلیا، پاکستان کی جانب سے محمد صفدر نے 29 گیندوں پر 41 رنز بنائے۔

علاوہ ازیں نعمت اللہ نے 29 گیندوں پر 34 رنز اسکور کیے۔ بدر منیر نے صرف 9 گیندوں پر ناقابل شکست 28 رنز بنائے اور ٹیم کو فتح سے ہمکنار کیا۔