لاہور: قومی اسکواڈ جنوبی افریقہ کے خلاف سیریز کے لیے بلاوائیو سے ڈربن کے لیے روانہ ہوگیا۔

پاکستان کرکٹ ٹیم جنوبی افریقہ کے ساتھ تین ٹی ٹونٹی، تین ون ڈے اور دو ٹیسٹ میچز پر مشتمل سیریز کھیلے گی جس کے لیے قومی ٹیم بلاوائیو سے روانہ ہوگئی ہے۔

زمبابوے سے سلمان علی آغا، عرفان خان نیازی، حارث رؤف، صائم ایوب، ابرار احمد، محمد حسنین، عثمان خان، عباس آفریدی، جہانداد خان، سفیان مقیم، طیب طاہر اور عمیر بن یوسف ڈربن کے لیے روانہ ہوئے۔

کپتان محمد رضوان، بابر اعظم اور شاہین آفریدی ٹیم کو ڈربن میں جوائن کریں گے۔ حسیب اللہ خان، عرفات منہاس، عامر جمال، صاحبزادہ فرحان اور قاسم اکرم براستہ دبئی وطن واپس روانہ ہوئے۔

واضح رہے کہ پاکستان کرکٹ ٹیم کو زمبابوے کے خلاف ٹی ٹوئنٹی اور ون ڈے سیریز میں فتح حاصل ہوئی ہے۔