پاکستان نے زمبابوے کے خلاف تیسرے ٹی ٹوئنٹی کے لئے پلیئنگ الیون کا اعلان کردیا ہے۔

پاکستان اور زمبابوے کی ٹیموں کے درمیان تین ٹی ٹوئنٹی میچز پر مشتمل سیریز کا تیسرا و آخری میچ کل بروز جمعرات 5 دسمبر کو کھیلا جائے گا۔

پاکستان نے زمبابوے کے خلاف تیسرے ٹی ٹوئنٹی کے لئے پلیئنگ الیون کا اعلان کردیا ہے جس میں 4 تبدیلیاں کی گئی ہیں۔

صاحب زادہ فرحان، قاسم اکرم، عرفات منہاس اور محمد حسنین کو ٹیم میں شامل کیا گیا ہے جب کہ صائم ایوب، عرفان خان نیازی، حارث رؤف اور ابرار احمد کو آرام دیا گیا ہے۔

علاوہ ازیں ٹیم کی قیادت سلمان علی آغا کریں گے جب کہ دیگر کھلاڑیوں میں عمیر بن یوسف، عثمان خان (وکٹ کیپر)، طیب طاہر، جہانداد خان، محمد عباس آفریدی اور صفیان مقیم شامل ہیں۔

واضح رہے کہ پاکستان پہلے ہی 2-0 سے سیریز اپنے نام کرچکا ہے، پہلے میچ میں پاکستان نے 57 رنز سے کامیاب اپنے نام کی جب کہ دوسرے میچ میں 10 وکٹوں سے کامیابی سمیٹی۔