آئی سی سی ویمنز انڈر 19 ٹی ٹوئنٹی ورلڈکپ میں انگلینڈ نے پاکستان کو شکست دے دی۔

آئی سی سی ویمنز انڈر 19 ٹی ٹوئنٹی ورلڈکپ میں انگلینڈ انڈر 19 ٹیم نے پاکستان انڈر 19 ٹیم کو 6  وکٹوں سے شکست دے دی۔

پاکستان انڈر 19 ٹیم نے پہلے بیٹنگ کرتے ہوئے 18.5 اوورز میں 66 رنز کا ہدف دیا، زوفشاں ایاز 15 رنز بناکر ٹاپ اسکورر رہیں جب کہ امرتھا سورن کمار نے 17 رنز کے عوض 3 وکٹیں حاصل کیں۔

انگلینڈ انڈر 19 نے مطلوبہ اسکور 9.2 اوورز میں 4 وکٹوں پر پورا کرلیا جب کہ انگلینڈ کی 4   وکٹیں صرف 33 رنز پر ہی گرگئیں تھیں، پاکستان کی جانب سے ماہ نور زیب نے 2 وکٹیں لی۔

واضح رہے کہ پاکستان انڈر 19 ٹیم اپنا تیسرا اور آخری گروپ میچ بدھ کے روز آئرلینڈ کے خلاف کھیلے گی۔