نیوزی لینڈ کرکٹ بورڈ نے پاکستان میں سہ فریقی سیریز اور چیمپئنز ٹرافی 2025 کیلئے 15 رکنی اسکواڈ کا اعلان کردیا۔

مچل سینٹنر نیوزی لینڈ ٹیم کی قیادت کریں گے جبکہ مائیکل بریسویل، مارک چیپمین، ڈیون کا نوے، لوکی فرگوسن، مٹ ہینری اسکواڈ میں شامل ہیں۔

اس کے علاوہ ٹام لیتھم، ڈیرل مچل، ول اورورکی، گلین فلپس اور رچن روندرا بھی 15 رکنی اسکواڈ کا حصہ ہیں جبکہ بن سیئرز، کین ولیمسن، نیتھن اسمتھ اور وِل ینگ بھی اسکواڈ میں شامل ہیں۔

چیمپئنز ٹرافی پاکستان میں 19 فروری سے شیڈول ہے، پاکستان، نیوزی لینڈ اور ساؤتھ افریقہ کے درمیان سہہ فریقی سیریز چیمپئنز ٹرافی سے قبل کھیلی جائے گی۔

یاد رہے کہ نیوزی لینڈ کی ٹیم 3 فروری کو پاکستان کے لیے روانہ ہو گی اور 14 فروری تک سہہ فریقی سیریز کھیلے گی، سیریز کے بعد نیوزی لینڈ 16 فروری کو کراچی میں افغانستان کے خلاف چیمپئنز ٹرافی کا وارم اپ میچ کھیلے گی۔