آئی سی سی ٹیسٹ بیٹرز رینکنگ میں قومی کھلاڑی سعود شکیل چھٹی پوزیشن پر آگئے ہیں۔

آئی سی سی نے ٹیسٹ بیٹرز رینکنگ جاری کردی ہے جس کے مطابق انگلش بلے باز جوئے روٹ بدستور پہلی پوزیشن پر موجود ہیں۔

ٹیسٹ بیٹرز رینکنگ میں انگلینڈ کے ہی ہیری بروک کی دوسری اور نیوزی لینڈ کے کین ولیمسن کی تیسری پوزیشن ہے۔

پاکستان کے مڈل آرڈر بلے باز سعود شکیل تین درجے ترقی کے بعد نویں سے چھٹی پوزیشن پر آگئے ہیں، سعود شکیل کی یہ کیریئر بیسٹ ٹیسٹ رینکنگ ہے۔

سعود شکیل واحد پاکستانی ٹیسٹ بلے باز ہیں جو ٹاپ 10 ٹیسٹ بلے بازوں میں موجود ہیں جب کہ بابراعظم کی ٹیسٹ رینکنگ میں دو درجے تنزلی ہوئی ہے اور وہ 15 ویں سے 17 ویں پوزیشن پر چلے گئے ہیں۔