لاہور: پاکستان نے ویسٹ انڈیز کے خلاف ٹیسٹ سیریز کے لیے قومی اسکواڈ کا اعلان کردیا۔

ویسٹ انڈیز کے خلاف دو ٹیسٹ میچز کی سیریز کے لیے 15 رکنی قومی ٹیسٹ اسکواڈ کا اعلان کیا گیا ہے۔

اسکواڈ میں جنوبی افریقہ کا دورہ کرنے والی 15 رکنی ٹیسٹ ٹیم میں سات تبدیلیاں کی گئی ہیں جب کہ برقرار رکھنے والے کھلاڑیوں میں شان مسعود، سعود شکیل، بابر اعظم، کامران غلام، خرم شہزاد، محمد رضوان، نعمان علی اور سلمان علی آغا شامل ہیں۔

ویسٹ انڈیز کے خلاف ابرار احمد، امام الحق اور محمد ہریرہ کی واپسی ہوئی ہے جب کہ ورک لوڈ مینجمنٹ کے طور پر عامر جمال، محمد عباس، میر حمزہ اور نسیم شاہ کو آرام دیا گیا ہے۔

خرم شہزاد کو برقرار رکھا گیا ہے جب کہ محمد علی اور کاشف علی کی شمولیت ہوئی ہے، ان فٹ وکٹ کیپر و بیٹر حسیب اللہ کی جگہ روحیل نذیر کو اسکواڈ میں شامل کیا گیا ہے۔