بابراعظم نے ون ڈے کرکٹ میں 6 ہزار رنز مکمل کرلیے ہیں۔

قومی ٹیم کے اسٹار بلے باز بابراعظم نے ون ڈے کرکٹ میں 6 ہزار رنز مکمل کرکے تیز ترین 6 ہزار رنز بنانے کا ریکارڈ برابر کردیا ہے۔

بابراعظم نے 123 اننگز میں یہ اعزاز اپنے نام کرکے جنوبی افریقا کے بیٹر ہاشم آملہ کا ریکارڈ برابر کیا ہے۔

بابراعظم نے تیز ترین 6 ہزار رنز بنانے میں ویرات کوہلی کو بھی پیچھے چھوڑ دیا ہے جب کہ ویرات کوہلی نے 136 میچز میں 6 ہزار رنز مکمل کیے تھے۔

واضح رہے کہ بابر اعظم 6 ہزار رنز مکمل کرنے والے پاکستان کے 11 ویں کھلاڑی ہیں جب کہ یہ اعزاز انہوں نے نیوزی لینڈ کے خلاف سہ ملکی سیریز کے فائنل میچ میں حاصل کیا ہے۔