پاکستان ویمنز کرکٹ ٹیم کی کھلاڑی بھی بھارت کے خلاف میچ میں مینز ٹیم کی جیت کے لیے پُرامید ہیں۔

پاکستان اور بھارت کی مینز ٹیموں کے درمیان 23 فروری کو چیمپئنز ٹرافی کا ہائی وولٹیج میچ ہونے جارہا ہے جو کہ دبئی میں شیڈول ہے جب کہ اس میچ کے لیے قومی ٹیم پہلے ہی دبئی پہنچ چکی ہے۔

ویمنز کرکٹرز نے بھی پاکستان مینز ٹیم کی جیت کے لیے نیک خواہشات کا اظہار کیا ہے، منیبہ علی کہتی ہیں ’’پوری قوم کی دعائیں پاکستان ٹیم کے ساتھ ہیں، بھارت کے خلاف اچھا کھیلیں‘‘۔

کرکٹر عالیہ ریاض نے کہا ’’پاکستان ٹیم بھارت کے خلاف سو فیصد کارکردگی دکھاکر ملک کا نام روشن کرے‘‘۔

ویمنز کرکٹرز نے یہ بھی کہا ’’امید ہے پاکستان مینز ٹیم ہمیشہ کی طرح کل بھی اچھا کھیل پیش کرے گی اور نتیجہ ہمارے حق میں آئے گا‘‘۔