نیشنل اسٹیڈیم کراچی میں اسٹیڈیم کی تعمیر میں حصہ لینے والے 700 ورکرز کے اعزاز میں ایک تقریب منعقد کی گئی۔

چیئرمین پاکستان کرکٹ بورڈ (پی سی بی) محسن نقوی کی جانب سے اس موقع پر ورکرز کے لیے ایک پر تکلف دعوت کا اہتمام کیا گیا، جس میں پلاؤ، بیف قورمہ، چکن تکہ، کولڈ ڈرنک اور میٹھے سے تواضع کی گئی۔

ورکرز کی بڑی تعداد اس دعوت میں شرکت کے لیے اسٹیڈیم پہنچی، جہاں چیئرمین پی سی بی محسن نقوی نے ورکرز کے ساتھ غیر رسمی گفتگو کی اور ان کی محنت کو سراہا۔

محسن نقوی نے اس موقع پر ورکرز سے وعدہ کیا کہ انہیں آئندہ میچوں کے لیے فری ٹکٹیں فراہم کی جائیں گی۔

دعوت کے دوران، پاکستان کرکٹ ٹیم کے کپتان محمد رضوان نے بھی مزدوروں کے ساتھ تصاویر بنوائیں اور ان کے ساتھ خوشگوار لمحات گزارے۔

اس موقع پر ورکرز نے بھی پی سی بی کے اس اقدام  کو سراہا اور محنت کے دوران ملنے والی قدر دانی پر شکریہ ادا کیا۔

تقریب میں چیئرمین پی سی بی محسن نقوی کی جانب سے اسٹیڈیم کے تعمیراتی منصوبے میں حصہ لینے والے تمام ورکرز کا شکریہ ادا کیا گیا، جنہوں نے اپنے محنت سے اس عظیم منصوبے کی تکمیل میں اہم کردار ادا کیا۔