لاہور: پاکستان سپر لیگ (پی ایس ایل) 10 کے لیے ٹکٹوں کی فروخت کا آغاز 3 اپریل سے ہوگا۔ ٹکٹس سہ پہر 3 بجے سےPCB.tcs.com.pk  پر آن لائن دستیاب ہوں گے۔

پی ایس ایل 10 کے فزیکل ٹکٹ 7 اپریل سے ملک بھر کے ٹی سی ایس ایکسپریس سینٹرز پر فروخت کیے جائیں گے۔

آن لائن بک کیے گئے ٹکٹ مخصوص ٹی سی ایس پک اپ مراکز سے حاصل کیے جاسکتے ہیں یا گھروں تک پہنچانے کی سہولت بھی دستیاب ہوگی۔

پی ایس ایل 10 کے تمام میچز کراچی، لاہور، ملتان اور راولپنڈی میں کھیلے جائیں گے جب کہ فائنل 18 مئی کو قذافی اسٹیڈیم لاہور میں ہوگا۔

عام ٹکٹوں کی قیمت650 روپے مقرر کی گئی ہے جب کہ افتتاحی میچ جو اسلام آباد یونائیٹڈ اور لاہور قلندرز کے درمیان راولپنڈی میں کھیلا جائے گا اس کے ٹکٹ 1 ہزار روپے سے 8 ہزار 500 روپے تک دستیاب ہوں گے۔

شائقین کی دلچسپی کو بڑھانے کے لیے پی سی بی ہر میچ کے دوران ٹکٹ ریفل کا انعقاد کرے گا جس میں مداحوں کو دلچسپ انعامات جیتنے کا موقع ملے گا۔