دبئی: چیمپئنز ٹرافی 2025 کے فائنل کے لئے میچ آفیشلز کا اعلان کردیا گیا۔

انٹرنیشنل کرکٹ کونسل نے چیمپئنز ٹرافی 2025 کے فائنل کے لئے میچ آفیشلز کا اعلان کردیا گیا ہے جس کے مطابق رچرڈ النگ اور پاول رافیل فیلڈ امپائر ہوں گے۔

آئی سی سی کا کہنا ہے کہ جوولسن تھرڈ امپائر ہوں گے جب کہ کمار دھرما سینا فورتھ امپائر کی ذمہ داری نبھائیں گے۔

یاد رہے کہ آئی سی سی چیمپئنز ٹرافی 2025 کا فائنل 9 مارچ بروز اتوار کو دبئی انٹرنیشنل اسٹیڈیم میں کھیلا جائے گا جس میں بھارت اور نیوزی لینڈ کی ٹیمیں مدمقابل ہوں گی۔

پہلا سیمی فائنل بھارت اور آسٹریلیا کے درمیان 4 مارچ کو دبئی میں کھیلا گیا تھا جس میں بھارت نے 4 وکٹوں سے کامیابی اپنے نام کی۔

دوسرا سیمی فائنل جنوبی افریقا اور نیوزی لینڈ کے درمیان کھیلا گیا جس میں نیوزی لینڈ نے 50 رنز سے فتح حاصل کی۔