پاکستان کرکٹ ٹیم کا دورہ نیوزی لینڈ کے لیے ون ڈے اور ٹی ٹوئنٹی اسکواڈ کا اعلان کردیا گیا ہے۔

پاکستان کرکٹ ٹیم کے عبوری ہیڈ کوچ عاقب جاوید نے دورہ نیوزی لینڈ کے لیے قومی ون ڈے اور ٹی ٹوئنٹی اسکواڈ کا اعلان کیا ہے، بابر اعظم اور محمد رضوان کو ٹی ٹوئنٹی جب کہ شاہین شاہ آفریدی کو ون ڈے اسکواڈ سے ڈراپ کیا گیا ہے۔

ٹی ٹوئنٹی اسکواڈ کی کپتانی محمد رضوان سے لے کر سلمان علی آغا کے سپرد کی گئی ہے جب کہ شاداب خان کی ٹی ٹوئنٹی میں واپسی ہوئی ہے اور انہیں ٹیم کا نائب کپتان مقرر کیا گیا ہے۔

15 رکنی ون ڈے اسکواڈ:

محمد رضوان (کپتان)، سلمان علی آغا (نائب کپتان)، عبداللہ شفیق، ابرار احمد، عاکف جاوید، بابر اعظم، فہیم اشرف، امام الحق، خوشدل شاہ، محمد علی، محمد وسیم جونیئر، محمد عرفان خان، نسیم شاہ، سفیان مقیم اور طیب طاہر۔

16 رکنی ٹی ٹوئنٹی اسکواڈ:

سلمان علی آغا (کپتان)، شاداب خان (نائب کپتان)، عبدالصد، ابرار احمد، حارث رؤف، حسن نواز، جہانداد خان، خوشدل شاہ، محمد عباس آفریدی، محمد علی، محمد حارث، محمد عرفان خان، عمیر بن یوسف، شاہین شاہ آفریدی، سفیان مقیم اور عثمان خان۔

واضح رہے کہ دورہ نیوزی لینڈ کے لیے قومی ٹیم 12 مارچ کو روانہ ہوگی جب کہ اس دورے میں 5 میچوں پر مشتمل ٹی ٹوئنٹی سیریز اور تین میچوں پر مشتمل ون ڈے سیریز شیڈول ہے۔