پاکستان کے ٹینس اسٹار اعصام الحق اور عقیل خان نے آئی ٹی ایف ماسٹرز ورلڈ چیمپئن شپ میں تاریخ رقم کرتے ہوئے ڈبلز ایونٹ میں پہلی بار گولڈ میڈل جیت لیا۔

پاکستانی جوڑی نے فورٹی فائیو پلس کیٹیگری میں ترک اور سوئیڈش کھلاڑیوں کی جوڑی کو شکست دی۔

پاکستانی کھلاڑیوں نے مناؤگت، ترکیہ میں منعقدہ ایونٹ کے فائنل میں 6-7 اور 0-6 سے کامیابی حاصل کی۔ یہ فتح پاکستان کے ٹینس تاریخ میں ایک اہم سنگ میل ہے کیونکہ یہ پہلی بار ہے کہ پاکستانی کھلاڑیوں نے آئی ٹی ایف ماسٹرز ورلڈ چیمپئن شپ میں گولڈ میڈل جیتا ہے۔

اس کے علاوہ، عقیل خان سنگلز ایونٹ میں بھی شاندار کارکردگی کا مظاہرہ کرتے ہوئے برانز میڈل حاصل کرنے میں کامیاب رہے۔