پاکستان کے سابق ٹیسٹ کرکٹر فاروق حمید انتقال کرگئے۔

سابق پاکستانی ٹیسٹ کرکٹر فاروق حمید 80 برس کی عمر میں اس دنیائے فانی سے کوچ کرگئے ہیں، انہوں نے 1 ٹیسٹ میں پاکستان کی نمائندگی کی جب کہ 43 فرسٹ کلاس میچز بھی کھیلے ہیں۔

فاروق حمید نے فرسٹ کلاس میچزمیں 111 وکٹیں حاصل کیں اور 1964 میں میلبرن کرکٹ گراؤنڈ میں آسٹریلیا کے خلاف پاکستان کی نمائندگی کی۔

پاکستان کرکٹ بورڈ کی جانب سے ٹیسٹ فاسٹ بولر فاروق حمید کے انتقال پر افسوس کا اظہار کیا گیا ہے۔

دوسری جانب وزیراعظم محمد شہباز شریف نے سابق ٹیسٹ کرکٹر فاروق حمید کی وفات پر اظہار افسوس کرتے ہوئے مرحوم کی بلندی درجات کی دعا اور ان کے اہل خانہ سے اظہار تعزیت کیا۔

وزیر اعظم کا کہنا تھا کہ مرحوم نے اپنے کھیل کے ذریعے پاکستان کا نام پوری دنیا میں روشن کیا، اللہ تعالیٰ مرحوم کو جنت الفردوس میں جگہ عطا فرمائے آمین۔