راولپنڈی کرکٹ اسٹیڈیم میں پاکستان سپر لیگ (پی ایس ایل) سیزن 10 کی رنگارنگ افتتاحی تقریب ہوئی جس میں معروف گلوکاروں نے شاندار پرفارمنس کا مظاہرہ کیا۔

راولپنڈی کرکٹ اسٹیڈیم میں پی ایس ایل 10 کی افتتاحی تقریب کا آغاز قومی ترانے سے ہوا جب کہ اس موقع پر پی ایس ایل کی ٹرافی بھی اسٹیج پر لائی گئی۔

پی ایس ایل 10 کی افتتاحی تقریب میں معروف گلوکارہ عابدہ پروین کے علاوہ علی ظفر، ابرارالحق، طلحہ انجم اور نتاشہ بیگ شاندار پرفارمنس پیش کی۔

شائقین کرکٹ کی بڑی تعداد اسٹیڈیم میں موجود تھی جب کہ شاندار آتش بازی کا مظاہرہ بھی دیکھنے کو ملا۔

واضح رہے کہ پی ایس ایل 10 کا پہلا میچ اسلام آباد یونائیٹڈ اور لاہورقلندرز کے درمیان کھیلا جائے گا جو مقامی وقت کے مطابق 9 بجے شروع ہوگا۔